Butenplatt

Plattdüütsch buten Noorddüütschland

Plattdeutsch außerhalb Norddeutschlands (d.h. vor allem Mittel- und Süddeutschland, aber auch Ausland)
(Dat weer 'n beten wat op Hoochdüütsch twüschen, dat 'n de Sied ook op Hoochdüütsch mit een Söökmaschin finnen deit.)

Een Oproop un (noch 'n beten mickrige) Informaschonenvun Reinhard Pflüger

Vundag sünd dat ja veele, de nich dor leevt, wonehm se boren sünd. Dorüm gifft dat in de hele Welt ook Plattdüütsche. Vun de Buten-Plattdüütschen gifft dat twee Oorten: De, de al Generatschonen buten Noorddüütschland sünd (de mehrsten in Söödamerika) un een Platt snackt vun vör hunnert Johren mengeleert mit Wöör ut ehr niee Heimat. Un de, de noch sülvst in Noorddüütschland ofwussen sünd un nu woanners Arbeit of ehr Fruu of Mann funnen hebbt.

Vun de tweede Oort gifft dat wedder verschüllene: An een Enn de, de mit Plattdüütsch nix mehr to doon hebben wüllt (de ward dat hier seker nich lesen), öwer de, de dat giern mal wedder hören doot, bet an 't anner Enn de as ik, de ierst "buten" so richtig dormit anfungen hebbt, de dat nich as Moderspraak snacken doot, aver nu giern snacken wüllt.

All de, de tominst so wiet op düsse Skala sünd, dat se all düt  hier leest hebbt, de söök ik. Schriev to adr2015js [at] seite16 [Punkt] de (de Wöör in [] meent @ un . , dat schriev ik aver dor nich hen, dormit nich so veel Spam rinkümmt).

Mehr plattdüütsche Sieden sünd to 'n Bispill oplist bi:

(De sünd nich vun mi, bloots as Informaschon; ik bün dorüm ook nich verantwoordlich för dat, wat dor steiht.)

Wokeen eegentlich nix in 't Internet wüll, man lebendige Minschen möten (ook wenn se villicht all 'n beten öller sünd), kann dat dor:

(seker ook woanners, aver ik weet nix dorvun; wenn Se Informaschonen hebbt, ik schriev se giern hierhen)

Rodgau bi Frankfurt (Main):
Plattdüütsch leevt e.V.
Kontakt: Birgit Denker, 069 - 540 01 88 (of bi mi per E-Mail - kiek baben)
Programm:
Klönsnack: lesde Sünnabend in 'n Maand (nich in 'n Dezember), Klock 19.00, SKV-Gaststätte, Am Sportfeld, Rodgau-Hainhausen.
Theater: een Mal in 't Johr in 't Börgerhuus Weiskirchen.

Wat ik sünst noch in 't WWW hebb, hett rein gor nix hiermit to doon, aver wokeen wüll, kann giern mien Hauptsied www.seite16.de  opropen.